Тыва дылдын хуну-биле!
Хүндүлүг чаңгыс чер-чурттугларывыс, башкыларывыс база өөреникчилеривис!
Тыва дыл хүнү таварыштыр бүгүдеге байыр чедирип тур бис!
Тыва дыл кайгамчыктыг чараш, уран-чечен, ховар дылдарның бирээзи. Төрээн дылывыс өртемчейге төрүттүнгенивистен ханы-дамырывыста тудуш.
Төрээн дылывыска, тыва чогаалдарывыска, ёзу-чанчылдарывыска, тыва бижиивиске сонуургал хүн бүрүде бедип кел чыдары өөрүнчүг.
Келир үениң салгалдарынга төрээн дылывысты чараш, мөзү-шынарлыг дамчыдарын кызыдар ужурлуг бис. Төрээн дылывысты билири чугула херек. Төрээн дылывыстың сайзыралы, байлаа дээш ам-даа демниг кызып ажылдаарывысты кыйгырдывыс. Кадыкшылды, аас-кежикти күзеп тур бис!
Хүндүткел-биле, Күрүнениң бюджеттен хандырылгалыг албан чери «Тыва Республиканың өөредилгезиниң шынарын үнелээр институт».
